Трамп: Было б нядрэнна атрымаць трохі старога добрага глабальнага пацяплення проста цяпер!
3- 20.01.2019, 20:04
- 11,452
Прэзідэнт ЗША паскардзіўся на адсутнасць глабальнага пацяплення на фоне снегападаў.
Прэзідэнт ЗША Дональд Трамп парэкамендаваў амерыканцам не выходзіць з дому, а таксама паскардзіўся, што краіне не стае глабальнага пацяплення. Такую заяву амерыканскі лідар зрабіў на фоне моцных снегападаў у краіне.
«Будзьце асцярожныя і паспрабуйце не выходзіць з дому. Значная частка краіны пакутуе ад неймавернай колькасці снегу і амаль рэкордных халадоў. Было б нядрэнна атрымаць крыху таго самага старога добрага глабальнага пацяплення проста цяпер!», - напісаў амерыканскі прэзідэнт у сваім Twitter.
Складаныя варункі надвор'я паўплывалі на сітуацыю ў аэрапортах Чыкага, Бостана, Нью-Ёрка і іншых гарадоў. У штатах Нью-Джэрсі і Пэнсільванія быў уведзены рэжым надзвычайнай сітуацыі.