Вячаслава Касінерава забралі ў міліцыю

Былога палітвязня затрымалі «за пераход дарогі ў неналежным месцы».

Былы палітычны зняволены Вячаслаў Касінераў паведаміў, што знаходзіцца ў Ленінскім РАУС Менска, піша nn.by.

У сацсетцы ён апублікаваў відэа, на якім ідзе следам за міліцыянтам ля стадыёна «Дынама».

Касінерава затрымалі нібыта за «пераход дарогі ў неналежным месцы».

Як паведамляе тэлеграм-канал «Баста», разам з Вячаславам затрымалі і ягоную жонку Марыну.

«Выклікаюць нейкага начальніка, трымаць будуць максімальна, чамусьці нашых звестак ім недастаткова, - паведаміў Вячаслаў Касінераў. - Вось такі маленькі бытавы фашызм з боку слуг сістэмы».