Кантынентальны кубак: «Нёман» саступіў «Бейбарысу», але прайшоў у наступную стадыю

Хакеісты з Горадні датэрмінова забяспечылі сабе квіток у фінал турніру.

"Нёман" саступіў "Бейбарысу" ў заключным туры паўфінальнага этапу Кантынентальнага кубка - 2:4. Гарадзенцы датэрмінова забяспечылі сабе квіток у фінал турніру, піша pressball.by.

Бейбарыс - Нёман - 4:2 (2:2, 2:0, 0:0)

Шайбы: 1:0 - Мітракоў (01.38 - менш). 2:0 - Кулікоў (Кучын, 03.39 - менш). 2:1 - Я.Сцяпанаў (Ляўшун, Хурам, 11.30). 2:2 - Туркін (Маліноўскі, Хараманда, 12.17). 3:2 - Сцепаненка (Савянкоў, Кутугін, 21.17 - больш). 4:2 - Пісараў (Савянкоў, Кутугін, 31.00).

Група "F": Нёман - 5 балаў (3 гульні), Данбас - 4 (2), Бейбарыс - 3 (3), Краковія - 3 (2).

У Кракаве віцэ-чэмпіёны Беларусі-2019 разам з трыма спаборнікамі змагаліся за два квіткі ў фінал другога рангам еўракубкавага турніру. Паралельна кракаўскаму паўфінальнаму турніру аналагічны праходзіць у данскім Военсе. Там за два квіткі ў вызначальныя студзеньскія бітвы змагаюцца мясцовы "Сэндэруске", брытанскі "Нотынгем", французскі "Ам’ен" і вугорскі "Фэрэнцвараш".

Група "Е": Сэндэруске - 6 (2), Нотынгем - 3 (2), Фэрэнцвараш - 3 (2), Ам’ен - 0 (2).