У Менску эвакуююць вакзал і тры гандлёвыя цэнтры
- 9.11.2019, 20:52
- 24,586
На электронную пошту інфацэнтра Магілёўскага аддзялення БЧ паступіла паведамленне аб небяспецы.
Карыстальнікі tut.by паведамляюць, што ў Менску эвакуююць вялікія гандлёвыя цэнтры - «Дана Мол», «Галілеа», «Замак» і чыгуначны вакзал.
- Мы глядзелі кіно ў Дана Моле на «Усходзе», - апавядае Наталля. - Пасярод фільма ўбегла дзяўчына і сказала, што сэанс спыняецца, і мы павінны эвакуавацца. Яна адчыніла дзверы на двор, і мы спускаліся па бакавых сходах. Больш нам нічога не патлумачылі. Ніякага дыму тут няма, паху дыму - таксама, ні медыкаў, ні пажарнікаў. Кіно мы не дагледзелі, сказалі: калі жадаеце вярнуць грошы, тэлефануйце потым у кінатэатр.
@tutby @OnlinerBY галилео эвакуируют pic.twitter.com/Iu4enIvMt0
— Артем (@rEuJIn1zU7Ddm4q) November 9, 2019
Са слоў Наталлі, каля ГЦ стаіць аўтамабіль міліцыі, уезд транспарту абмежаваны, на стаянку не прапускаюць, але выехаць можна.
@tutby что-то происходит возле вокзала. Куча людей стоят, пожарные. По-моему снова кто-то "бомбу заложил"
— Ты хороший, но... (@_Mirari_97) November 9, 2019
Аб эвакуацыі таксама паведамляюць наведвальнікі ГЦ «Замак», «Галілеа» і пасажыры Цэнтральнага чыгуначнага вакзалу.
@tutby @tutbylive в Галилео эвакуация. Пока не говорят, учебная ли (вроде нет) pic.twitter.com/51wzrELdoa
— Korol Zhenya (@PhysicalVersion) November 9, 2019
- Сёння пад 19.00 на электронную пошту інфацэнтра Магілёўскага аддзялення БЧ паступіла паведамленне аб небяспецы на аб'ектах у Менску: гандлёвым цэнтры «Замак», «Дана Мол», «Галілеа», а таксама Цэнтральным чыгуначным вакзале, - паведаміла ў тэлеграм-канале прэсавая сакратарка МУС Вольга Чамаданава. - Сапёрна-піратэхнічныя групы праводзяць абследаванне названых аб'ектаў на наяўнасць небяспечных прадметаў. У мэтах бяспекі супрацоўнікамі міліцыі будуць зробленыя захады да эвакуацыі грамадзян.
