19 лютага 2020, Серада, 14:17
Засталося зусім крыху
Рубрыкі

TAZ: Зяленскі аказаўся больш жорсткім за Парашэнку

42
TAZ: Зяленскі аказаўся больш жорсткім за Парашэнку
УЛАДЗІМІР ЗЯЛЕНСКІ
ФОТА: REUTERS, IAN LANGSDON

Нямецкае выданне - пра нармандскі саміт.

Прэзідэнт Украіны Уладзімір Зяленскі сумуе па Кіеве - пра гэта ён заявіў падчас сумеснай з Уладзімірам Пуціным, Ангелай Мэркель і Эмануэлем Макронам прэс-канферэнцыі паводле вынікаў украінскага саміту ў Парыжы. Пратэстаў супраць «здрады» ў Кіеве не чакаецца.

Шматлікія патрабаванні ўкраінскага боку на саміце задаволеныя не былі. У пытанні перадачы мяжы на Данбасе Украіне не прыйшлі да кампрамісу. Таксама не змаглі дамовіцца пра пастаяннае перамір'е - кіраўнікі дзяржаў пагадзіліся развесці войскі толькі ў трох раёнах, піша Die Tageszeitung (пераклад - inosmi.ru).

Тым не менш Зяленскі дамогся немагчымага: украінцы з розных палітычных лагераў у асноўным засталіся задаволеныя вынікамі парыжскай сустрэчы, а таксама тым, як Зяленскі вёў перамовы. Неўзабаве пасля заканчэння ў Парыжы прэс-канферэнцыі чатырох лідараў спынілі сваю акцыю і ўкраінскія нацыяналісты, якія, сабралі блізу 2 тысяч чалавек, два дні пратэставалі перад прэзідэнцкім палацам у Кіеве супраць магчымай здрады прэзідэнта і меркаванай капітуляцыі Зяленскага перад Пуціным.

Раней міністр унутраных спраў Украіны Арсен Авакаў таксама паведаміў з Парыжа, што здрады падчас перамоў не было. Інтэрнэт-выданне «Украинская правда», у мінулым неаднаразова перасцерагае ад магчымых кампрамісаў з Расеяй, цяпер захапляецца Зяленскім. Вось адзін з загалоўкаў: «Як і ў чым Зяленскі перамог Пуціна на саміце ў Парыжы».

Пацыфісты таксама задаволеныя

Перамовы ўвянчаліся поспехам, заявіў кіеўскі палітолаг Віктар Савінок у каментары для «Тагесцайтунг». Для яго поспех галоўным чынам заключаецца ў тым, што мандат назіральнай місіі АБСЕ быў пашыраны з 12 да 24 гадзін у дзень.

Пацыфісты таксама задаволеныя зыходам сустрэчы. «Ад Парыжа я не чакала цудаў, - кажа «Тагесцайтунг» Ніна Патарская, нацыянальная каардынатарка Міжнароднага жаночага саюза за мір і свабоду (Womens International League for Peace and Freedom). - Але пакладзены выдатны пачатак». Патарская радая, што ўдалося дамовіцца аб далейшым развядзенні войскаў, чарговым абмене палоннымі і, галоўнае, аб наступным саміце праз чатыры месяцы.

Некалькі дзён таму Патарская з невялікай групай людзей удзельнічала ў дэманстрацыі перад прэзідэнцкім палацам за інтэнсіфікацыю мірнага працэсу. «Яшчэ некалькі месяцаў таму мы б на гэта не адважыліся», - прызнаецца яна. Цяпер можна выйсці на дэманстрацыю ў імя дыялогу, і гэта сведчыць пра тое, што ва ўкраінскім грамадстве сёе-тое змянілася.

Нават калі Зяленскі, фактычна, зрабіў крок насустрач нацыяналістам, у Парыжы ён усё ж дазволіў сабе зрабіць з'едлівую заўвагу ў іх адрас. Яму нібыта перашкаджаюць іх дэманстрацыі, праз іх немагчыма працаваць, цытуе прэзідэнта «Украинская правда».

Зяленскі цвёрды па сутнасці

Шмат каму ў Украіне падабаецца стыль Зяленскага. У Парыжы ён некалькі разоў пераходзіў з украінскай мовы на расейскую. На пытанні расейскай журналісткі адказваў па-расейску. Пры Парашэнку такога не магло быць і ў памоўцы. Але па сутнасці сваёй Зяленскі быў больш жорсткім за Парашэнку.

У 2015 годзе Парашэнка падпісаў Менскія пагаднення, па якіх перадача кантролю над мяжой Украіне можа адбыцца толькі пасля выбараў на Данбасе. Зяленскі ж настойвае на тым, што ў першую чаргу павінны быць вернутыя ўкраінскія тэрыторыі. Толькі тады можна будзе праводзіць выбары.