Саўладальнік завода АКБ пад Берасцем Лемяшэўскага выпусцілі пад заклад
7- 24.12.2019, 21:27
- 11,211
Таксама адпушчаныя з-пад арышту іншыя фігуранты гэтай справы.
Сёння, 24 снежня, Віктара Лемяшэўскага, уладальніка «Першай акумулятарнай кампаніі» і саўладальніка групы кампаній «1АК-GROUP», якой належыць акумулятарны завод у Берасці, адпусцілі з СІЗА пад заклад. Пра гэта kp.by паведаміла інфармаваная крыніца.
Раней пад падпіску аб нявыездзе і належных паводзінах на волю да суда выпусцілі іншых фігурантаў справы - Святлану Лемяшэўскую, галоўнага бухгалтара ТАА «Белінвестгандаль-Сплаў», Сяргея Ахрэмчука, былога дырэктара «Белінвестгандаль-Сплаў», а цяпер начальнік аддзела тэхнічнага развіцця, Івана Пакіслюка, намесніка дырэктара гэтага прадпрыемства.
Усе яны былі затрыманыя КДБ у канцы чэрвеня 2019 праз падазрэнне ў атрыманні і дачы хабару.
Нагадаем, расследаванне крымінальнай справы ў дачыненні да Віктара Лемяшэўскага і кіраўнікоў даччынай кампаніі на даручэнне прэзідэнта вядзе Генпракуратура.
Віктар Лемяшэўскі - не толькі заснавальнік скандальнага акумулятарнага завода ў Берасці, але і сябра рады ў развіцці прадпрымальніцтва пры Лукашэнку.