Ігар Гузь: Дзень Волі - свята для многіх украінцаў
6- 26.03.2019, 14:01
- 8,079
Украінскі народны дэпутат павіншаваў усіх беларусаў з нацыянальным святам.
Народны дэпутат Вярхоўнай Рады Украіны Ігар Гузь павіншаваў беларусаў з Днём Волі і распавёў, якую ролю для Украіны адыгралі беларускія добраахвотнікі:
«За нашу і вашу свабоду!
Сёння Беларусь святкуе 101-ю гадавіну з дня абвяшчэння Беларускай Народнай Рэспублікі. У першую чаргу хачу павіншаваць беларускіх добраахвотнікаў. З 2014 года яны ваююць за нашу і вашу свабоду на ўсходніх тэрыторыях Украіны.
Ваша барацьба зрабіла нашы народы яшчэ больш блізкімі. Таму Дзень Волі - гэта ўжо свята для многіх украінцаў. І знішчэнне Расейскай Федэрацыі мы таксама адсвяткуем разам!
Беларусам жа ў Беларусі зычу цярпення і веры ў перамены.
Жыве Беларусь і будзе жыць!», - заявіў украінскі дэпутат.
