У прыгарадзе Анкары напалі на лідара турэцкай апазіцыі

Ахова палітыка змагла адбіцца і завесці яго ў бяспечны дом.

У прыгарадзе Анкары невядомыя напалі на лідара асноўнай апазіцыйнай Народна-рэспубліканскай партыі Турцыі Кемаля Кылычдараглу. Пра гэта паведамляе РБК са спасылкай на тэлеканал NTV.

Паводле звестак тэлеканала, інцыдэнт адбыўся ў раёне Чубук, куды Кылычдараглу прыбыў на пахаванне загінулага турэцкага вайскоўца. Так, падчас цырымоніі група невядомых напала на апазіцыйнага лідара, аднак яго ахова змагла адбіцца і завесці яго ў бяспечны дом. Пасля гэтага нападнікі кінулі ў будынак некалькі камянёў.

Пазней у дом, дзе хаваўся Кылычдараглу, прыбыў міністр нацыянальнай абароны Турцыі Хулусі АКАР і заклікаў прысутных людзей «разысціся па дамах». Праз 1,5 гадзіны чакання ў будынку апазіцыянер адправіўся ў штаб-кватэру сваёй партыі.

Як удакладняе NTV, цяпер здароўю Кылычдараглу нішто не пагражае.

Раней, 1 красавіка, на выбарах мэра сталіцы Турцыі ўпершыню за чвэрць стагоддзя перамог кандыдат ад апазіцыйнай Партыі народных рэспубліканцаў Мансур Яваш.