26 чэрвеня 2019, Серада, 1:57
Мы ў адной лодцы
Рубрыкі

У расейскім МЗС выказаліся аб адклiканнi Бабіча з Беларусі

24
МАРЫЯ ЗАХАРАВА
ФОТА: ТАСС

Марыя Захарава заявіла, што беларускі бок «пра свае эмоцыі казаў цягам некалькіх тыдняў ці нават месяцаў».

Пытаннямі зняцця і прызначэння расейскіх амбасадараў займаецца прэзідэнт РФ, а не Міністэрства замежных спраў. Так афіцыйная прадстаўніца МЗС Расеі Марыя Захарава ў інтэрв'ю «Эху Москвы» пракаментавала чуткі аб хуткім водгуку амбасадара Міхаіла Бабіча з Менска праз незадаволенасць беларускага боку.

На пытанне, ці сапраўды Менск патрабуе адклікання Бабіча, Захарава адказала, што беларускі бок «пра свае эмоцыі казаў цягам некалькіх тыдняў адкрыта, ці нават месяцаў».

- Гэта не патрабуе майго пацверджання або зняпраўджвання. Яны былі выключна - нашы беларускія калегі - прамалінейныя ў гэтых пытаннях.

Афіцыйная прадстаўніца МЗС РФ падкрэсліла, што такі стыль палемікі не стаў для яе нечаканасцю.

- Я памятаю, як у 95-м, напэўна, годзе <...> калі я была студэнткай МДІМА, я пасля чарговых аналагічных плюс-мінус каментарыяў кіраўніцтва Беларусі, спадара Лукашэнкі, спытала ў нашага выкладчыка, а як гэта можна расцаніць, зыходзячы з дыпламатыі, пратаколу і гэтак далей і атрымала адпаведны адказ. Таму я назіраю за рознымі заявамі, пачынаючы недзе з сярэдзіны 90-х гадоў, і я не бачу ў гэтым нічога непрадказальнага. Гэтыя заявы, як сінусоіда, перыядычна паўтараюцца.

На пытанне, ці будзе МЗС РФ адклікаць амбасадара ў Беларусі, Захарава адказала, што гэта не ў кампетэнцыі яе міністэрства - амбасадараў прызначае і адклікае прэзідэнт.

- У МЗС ёсць пазіцыя: спадар Бабіч з'яўляецца расейскім амбасадарам у Рэспубліцы Беларусь. Пытанні ягонага прызначэння, пытанні ягонага перамяшчэння і гэтак далей - гэта пытанні кампетэнцыі прэзідэнта Расейскай Федэрацыі.