17 лiпеня 2019, Серада, 8:18
Мы ў адной лодцы
Рубрыкі

Рабочы ў Менску ўпаў з пятага паверха, а потым сам пайшоў дадому

16
ІЛЮСТРАЦЫЙНАЕ ФОТА

26-гадовы рабочы працаваў на рамонце жылога дома.

На менскай вуліцы Лынькова працоўны зваліўся з вышыні пятага паверху, але неўзабаве змог сам пайсці дадому.

Пра гэта напісаў Telegram-канал Volna.

Мужчына зваліўся з вышыні пятага паверху разам з будаўнічай люлькай. Паведамляецца, што вазок разляцеўся на кавалкі, а хлопец атрымаў хіба што пару драпін.

У каментары tut.by афіцыйны прадстаўнік Следчага камітэта Ілля Басько пацвердзіў гэтую інфармацыю. З яго слоў, 26-гадовы рабочы працаваў на рамонце жылога дома, калі будаўнічая люлька з ім абарвалася.

«Працоўны быў траўмаваны, яго даставілі ва ўстанову аховы здароўя, аказалі медыцынскую дапамогу і адпусцілі дадому», - дадаў Басько.

Прычыны здарэння зараз высвятляюць следчыя разам з прадстаўнікамі Дэпартамента дзяржаўнай інспекцыі працы.

ФОТА: TELEGRAM-КАНАЛ VOLNA