Колькасць канкурэнтаў Барыса Джонсана скарацілася да трох
- 19.06.2019, 20:50
- 7,230
Пераможца выбараў зменіць Мэй на пасадзе прэм'ер-міністра Вялікабрытаніі.
Барыс Джонсан сабраў амаль палову галасоў у трэцім туры выбараў лідара Кансерватыўнай партыі Брытаніі, якому трэба будзе стаць прэм'ерам. У сераду дэпутаты адсеялі Роры Сцюарта, у чацвер барацьбу з Джонсанам працягнуць трое кандыдатаў - міністры ўрада Тэрэзы Мэй Джэрэмі Хант, Майкл Гоув і Саджыда Джавід, паведамляе ВВС.
Джонсан сабраў 143 галасы, што ўжо практычна гарантуе выхад у фінал: да фінальнага тура галасуе толькі парламенцкая фракцыя торы, а яна налічвае 313 чалавек.
Адрыў Джонсана ад найбліжэйшага пераследніка, яго пераемніка на пасадзе міністра замежных спраў Ханта, складае 89 галасоў.
У чацвер пройдуць два апошнія туры галасавання з удзелам дэпутатаў, у кожным з якіх будзе выбываць апошні з кандыдатаў.
Калі застануцца два кандыдаты, выбіраць будуць усе сябры Кансерватыўнай партыі, прыкладна 160 тысяч, галасуючы па пошце.
Пераможца выбараў зменіць Мэй на пасадзе прэм'ер-міністра. Гэта паводле планаў Кансерватыўнай партыі адбудзецца ў канцы ліпеня.
Паводле звестак апытання сайта кансерватараў ConservativeHome, у фінале Джонсан з вялікім перавагай - набраўшы блізу 70% галасоў - пераможа любога з апанентаў.
Джонсан абяцае 31 кастрычніка, калі мінае прадстаўленая Еўразвязам адтэрміноўка, вывесці Брытанію з ЕЗ - нават калі давядзецца сысці са звязу без ўрэгуляваных адносін.
Апаненты Джонсана мяркуюць, што выхад без пагаднення можа заблакаваць Палата абшчын, як яна гэта ўжо рабіла вясной.
Брытанія планавала выйсці з ЕЗ 29 сакавіка, але была вымушаная двойчы прасіць Еўразвяз аб адтэрміноўцы, бо Палата абшчын тры разы адпрэчыла складзены ўрадам Мэй і Брусэлем праект пагаднення аб умовах выхаду.
Мэй 7 чэрвеня сышла з пасады лідаркі Кансерватыўнай партыі, а калі будзе абраны новы лідар, вызваліць крэсла прэм'ер-міністра.