Мітынгоўцы ў Грузіі распляжылі офіс кіроўнай партыі
- 21.06.2019, 10:47
- 10,849
Пратэстоўцы ўвайшлі ў офіс «Грузінскай мары».
У Тбілісі, уначы 21 чэрвеня ўдзельнікі пратэсту ў Грузіі, які спачатку праходзіў ля будынка парламента, распляжылі офіс кіроўнай партыі "Грузінская мара", паведамляе партал "Навіны-Грузія".
Пратэстоўцы распляжылі офіс "Грузінскай мары", размешчаны на праспекце Руставелі. Акрамя таго, некалькі ўдзельнікаў акцыі спалілі на вуліцы сцяг партыі.
Спецназ з дапамогай з слёзацечнага газу, гумовых куль і вадамётаў ужо разагнаў большую частку мітынгу, на якім было блізу сямі тысяч чалавек. Цяпер каля сотні ўдзельнікаў акцыі пратэсту ўсё яшчэ застаюцца на праспекце Руставелі.
Пратэст пачаўся а 19 гадзіне 20 чэрвеня. Яго прычынай стаў прыезд у Тбілісі расейскай парламенцкай дэлегацыі.
Нагадаем, уночы мітынгоўцаў, якіх сілай ад будынка парламента адагнала паліцыя, пачалі будаваць барыкады. Удзельнікі акцыі на праспекце Руставелі ў Тбілісі для збудавання бар'ера складвалі на праезнай частцы крэслы, сталы, смеццевыя скрыні.
Падчас сутыкненняў мітынгоўцаў і сілавікоў пацярпелі больш за паўсотні чалавек, з іх 14 - актывісты. Траім з іх спатрэбілася аперацыя.