РФ западозрылі ў спробе адрадзіць канфлікт у Паўночнай Ірландыі

Atlantic Council выявіў старонкі, якія распаўсюджвалі фэйкавыя навіны пра Паўночную Ірландыю.

Амерыканскі аналітычны цэнтр Atlantic Council прааналізаваў звесткі Facebook пра выяўленне старонак, што распаўсюджваюць фэйкавыя навіны, і выявіў нямала паведамленняў, арыентаваных на Паўночную Ірландыю і патэнцыйна здольных адрадзіць канфлікт у Еўропе, паведамляе kasparov.ru.

Як адзначаецца ў дакладзе, старонкі, якія публікуюць гэтыя навіны, дзейнічаюць з Расеі.

Прычым дзейнічаюць яны не як «фабрыка троляў», а праз асобныя старонкі, на якіх допісы з'яўляюцца нерэгулярна.

Так, сярод навін, якія з'яўляліся на гэтых старонках, была навіна са спасылкай на нібыта зробленая міністрам абароны Вялікабрытаніі Гэвінам Уільямсан (займаў гэту пасаду да 1 траўня) заява аб тым, што садзейнічанне расейцам у замаху на Скрыпалей у Солсберы аказалі баевікі Сапраўдная ІРА.

Таксама стала вядома пра ліст ад кіраўніцы Дэмакратычнай юніянісцкай партыі Ірландыі (DUP) Арлін Фостэр на адрас галоўнага перагаворшчыка ад Еўразвязу ў пытаннях брэксіта Мішэля Барнье. У гэтым лісце Фостэр заявіў, што Паўночная Ірландыя нібыта гатовая выйсці з Вялікабрытаніі «на пэўных умовах», якія DUP прышле Барнье пазней. На самай справе ліста не было, але навіна спарадзіла мноства каментароў, у тым ліку пра тое, што Паўночная Ірландыя пасля брэксіту атрымае асаблівы статус у ЕЗ.