Праціўнікі завода АКБ у Берасці возьмуць удзел у «парламенцкай кампаніі»
6- 14.08.2019, 21:03
- 9,418
Актывісты вылучаць у кандыдаты як мінімум чатырох чалавек.
Чатыры чалавекі будуць вылучаны ў якасці кандыдатаў у «дэпутаты» ад каманды пратэстоўцаў супраць будаўніцтва акумулятарнага завода ў Берасці.
Пра гэта паведаміў «Радыё Рацыя» грамадскі дзеяч Віталь Козак. Яны плануюць такім чынам закрыць усе берасцейскія акругі, - адзначыў ён:
- Ёсць шмат кандыдатур, больш чым 4 кандыдатуры. Але адно магу сказаць, што 4 чалавекі ад праціўнікаў будаўніцтва і эксплуатацыі акумулятарнага завода дакладна будуць. І ўсё акругі будуць закрытыя. Я не думаю, што дазволяць актывістам прайсці ў «парламент». Але гэта шанец данесці інфармацыю пра праблемы, якія існуюць у нашай краіне і нашым горадзе між іншым.
Са слоў Віталя Козака, актывісты хочуць давесці інфармацыю пра прапановы, якія былі агучаныя пратэстоўцамі, у тым ліку, па мэтазгоднасці закрыцця шкоднага для гарадской экалогіі завода.