У Лынтупах падчас тушэння пажару загінуў супрацоўнік МНС
2- 3.08.2019, 20:36
- 13,458
На выратавальніка абрынулася сцяна і дах будынка.
У Пастаўскім раёне падчас тушэння пажару загінуў супрацоўнік МНС. На 45-гадовага камандзіра аддзялення абрынулася сцяна і дах будынка, паведамляе tut.by са спасылкай на Следчы камітэт.
Паводле звестак следства, уначы 3 жніўня ад жыхароў Лынтуп паступіла паведамленне пра палаючы закінуты будынак на завулку Красельнікава. На месца прыбыў пажарны разлік Лынтупскага РАНС.
«Падчас тушэння пажару на 45-гадовага камандзіра аддзялення абрынулася сцяна і дах будынка. Яго калега разам з мясцовымі жыхарамі вынялі мужчыну з-пад завалу, аднак ён ужо знаходзіўся без прыкмет жыцця», - паведамілі ў ведамстве.
Следчыя агледзелі месца здарэння, апыталі мясцовых жыхароў, канфіскавалі сляды пажарнага смецця, прызначылі экспертызы.
Ужо вядома, што ачаг узгарання знаходзіўся ў адным з памяшканняў будынка. Прычына высвятляецца.