Дэпутаты ад «Слугі народа» аддадуць заробкі на дабрачыннасць за «кнопканацісканне»
15- 12.09.2019, 11:39
- 9,905
Украінскія дэпутаты папрасілі прабачэння за не персанальнае галасаванне.
Дэпутаты ад «Слугі народа» Сяргей Літвіненка і Алена Капанчук на пасяджэнні Вярхоўнай Рады Украіны публічна папрасілі прабачэння за не персанальнае галасаванне, паведамляе «Новое время».
Дарэчы, Літвіненка заявіў, што ў ягоных дзеяннях «не было ніякага злога намеру» і для яго «было важна, каб за законапраект прагаласавалі».
Акрамя таго, нардэпы паабяцалі аддаць месячны заробак на дабрачынныя мэты і заявілі аб недапушчальнасці «кнопканаціскання» ў будучыні.
Раней, грамадскі рух «Чесно» заявіў, што першым «кнопканаціскальнікам» у Вярхоўнай Радзе дзявятага склікання быў нардэп ад прэзідэнцкай партыі «Слуга народа» Сяргей Літвіненка.