18 кастрычнiка 2019, Пятніца, 18:23
Мы ў адной лодцы
Рубрыкі

Амерыканскія фізікі прапанавалі атрымліваць «святло з цемры»

6
Амерыканскія фізікі прапанавалі атрымліваць «святло з цемры»

Гэта дапаможа знізіць выдаткі на ахалоджванне і кандыцыянаванне будынкаў.

«Генерацыя святла з цемры» - азагаловілі свой новы артыкул, апублікаваны ў часопісе Joule, Аасват Раман (Aaswath Raman) і яго калегі з Каліфарнійскага ўніверсітэта ў Лос-Анджэлесе (UCLA). І хоць выкарыстаны ў іх прыладзе эфект даўно вядомы і шырока эксплуатуецца ў тэхніцы, сам па сабе канцэпт сапраўды дазваляе выпрацоўваць энэргію ў поўнай цемры, адначасна зніжаючы выдаткі на ахалоджванне і кандыцыянаванне будынкаў, піша Naked Science.

Тэрмаэлектрычны эфект заключаецца ва ўзнікненні электрычнага патэнцыялу ў адказ на розніцу тэмператур. Адна яго разнавіднасць - эфект Зеебека - выкарыстоўваецца ў звычайных тэрмапарах, якія ствараюць ток парай паслядоўна злучаных праваднікоў з розных матэрыялаў, кантакты якіх знаходзяцца пры розных тэмпературах. Мы ўжо пісалі пра планы ўжываць яго для выпрацоўкі энэргіі для сілкавання гаджэтаў цяплом чалавечага цела.

Аўтары новай прылады прапануюць дапоўніць тэрмаэлектрагенератарамі стандартныя сонечныя панэлі, якія ўсё часцей усталёўваюцца на дахах дамоў. Напраўду, пакуль што яны працуюць і вырабляюць электрычнасць толькі ўдзень, уначы ж - павольна астываюць. Таму навукоўцы дадалі да іх тонкую панэль спецыяльнага керамічнага матэрыялу.

Адзін бок панэлі аказваецца на параўнальна прахалодным начным паветры, другі - над самым дахам - ловіць цяпло, што сыходзіць ад яго. Палявыя эксперыменты паказалі, што ва ўмовах Каліфорніі такая ўстаноўка можа адчуваць розніцу да 2°C у тэмпературы верхняга і ніжняга свайго боку.

Гэтага дастаткова для выпрацоўкі 25 мВт на кожны квадратны метр паверхні, хоць аўтары ўпэўненыя, што найбліжэйшы час прадукцыйнасць прататыпа атрымаецца павялічыць як мінімум удвая». Ужо цяпер падыход выкарыстоўваецца і ў дачыненні для патрэб асвятлення і сілкавання датчыкаў без падлучэння да сеткі», — дадаюць распрацоўшчыкі.