У Нідэрляндах прайшла акцыя салідарнасці з Беларуссю ў фармаце арт-выставы

Выстаўка «Беларусь. Плошча Перамен» адбылася ва Утрэхце.

У нядзелю, 11 кастрычніка, ва Утрэхце, Нідэрландах, прайшла чарговая акцыя салідарнасці з Беларуссю. Гэтым разам у фармаце арт-выставы. Беларуская мастачка і рэжысёр Таша Арлова, якая жыве ў Амстэрдаме, выступіла арганізатарам і куратарам мерапрыемства. Выстава прайшла ў арт-прасторы Perron West недалёка ад цэнтральнага вакзала, паведамілі Charter97.org.

Мэтай выставы «Беларусь. Плошча Перамен» было прыцягненне ўвагі жыхароў Нідэрландаў да падзей у Беларусі праз мастацтва. У экспазіцыі выставы - фотапраект менскага фатографа Яўгена Атцэцкага «Плошча Перамен», постэры мастакоў культпратэсту, відэа-перформанс Лесі Пчолкі, і арт-маркет, дзе можна было набыць фотаработы і паштоўкі. Таксама ахвочыя маглі падпісаць паштоўку палітычным вязням Беларусі.

Экспазіцыю наведалі за некалькі гадзін больш за 50 чалавек. Галандцы праяўлялі жывую цікавасць да таго, што адбываецца ў Беларусі, таксама прыйшлі карэспандэнты мясцовых СМІ. У арганізацыі экспазіцыі дапамагалі беларусы - валанцёры і пастаянныя ўдзельнікі акцый салідарнасці, на вуліцы імі таксама былі пастаўленыя палаткі з гарбатай і пачастункамі для наведвальнікаў.

Фармат выставы апраўдаў чаканні. Было бачна, што нават нядоўгая экскурсія па экспазіцыі з рэальным візуальным кантэнтам і расповедам пра падзеі выклікае непадробную цікавасць у галандцаў. Гэта значыць, што выставачны фармат мае высокую эфектыўнасць у плане прыцягнення ўвагі грамадскасці да сітуацыі ў Беларусі. Наступную выставу, але ўжо вялікіх памераў, плануецца правесці ў канцы кастрычніка ў Амстэрдаме.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com