У «Вялікім камені» адбыўся пажар

Пашкоджаная маёмасць Кітайска-Беларускага індустрыяльнага парку.

Надзвычайнае здарэнне адбылося на тэрыторыі Кітайска-Беларускага індустрыяльнага парку «Вялікі камень».

Паводле інфармацыі МНС, паведамленне пра пажар паступіла ў дзяжурную частку напярэдадні ў 05:02 – загаранне адбылося ў складскім будынку, паведамляюць naviny.by.

Агнём знішчаны паветраны кацёл і 300 літраў алею ў пластыкавай ёмістасці, пашкоджаныя сэндвіч-панэлі і маёмасць, закураныя суседняе памяшканне і маёмасць у ім.