Пятрас Аўштравічус: БелАЭС - пагроза пад межамі Літвы
4- 20.02.2020, 17:13
- 8,806
Сёння для літоўцаў і беларусаў актуальны лозунг «за нашу і вашу бяспеку».
Еўрапарламентар ад Літвы Пятрас Аўштравічус выступіў падчас першага з'езду «Руху супраць Астравецкай АЭС». У сваёй прамове еўрадэпутат ад Літвы назваў БелАЭС новай пагрозай побач з межамі Літвы, паведамляе карэспандэнт Сharter97.org у Вільні.
Пятрас Аўштравічус распавёў аб дэкларацыі руху, у якой пазначаныя яго мэты. Асноўная з іх - закрыццё Астравецкай АЭС. «Гэтая станцыя небяспечная і ўяўляе пагрозу чалавечым жыццям», - заявіў літоўскі еўрадэпутат. У дэкларацыі рух таксама паказвае, што БелАЭС - гэта выклік Еўразвязу і яго бяспецы, таму ЕЗ павінен адказаць і прыняць канкрэтныя дзеянні, накіраваныя супраць датычных да будаўніцтва Астравецкай АЭС расейскіх і беларускіх структур. Яшчэ адна мэта руху - дамагчыся заканадаўчай забароны імпарту электраэнэргіі з БелАЭС на рынкі краін Еўразвязу.
«Літве трэба ўжыць прэвентыўныя захады кампенсацыі шкоды, якую можа прычыніць станцыя. Гэтыя прававыя пастановы неабходна прымаць ужо цяпер», - дадаў Пятрас Аўштравічус.
Еўрадэпутат ад Літвы ўзгадаў пра часы Вялікага княства Літоўскага, якое аб'ядноўвала тэрыторыі сучасных Літвы і Беларусі. «У ВКЛ існаваў лозунг - «за нашу і вашу свабоду». Цяпер гэты лозунг прымае іншае значэнне - «за нашу і вашу бяспеку», - сказаў Аўштравічус. 15 лютага ў Сейме Літвы прайшоў першы з'езд «Руху супраць Астравецкай АЭС». Падчас з'езда быў зацверджаны тэкст петыцыі да Еўрапарламента, збор подпісаў пад якой будзе прадаўжацца да 20 красавіка. 26 красавіка - у дзень гадавіны выбуху на Чарнобыльскай АЭС - петыцыю пададуць у Еўрапарламент.
Таксама сачыце за акаўнтамі Charter97.org у сацыяльных сетках
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
