6 чэрвеня 2020, Субота, 16:58
Сім сім, Хартыя 97!
Рубрыкі

Памёр знакаміты беларускі спявак Віктар Гур'еў

4
Памёр знакаміты беларускі спявак Віктар Гур'еў
ВІКТАР ГУР'ЕЎ.
ФОТА: АРХІЎ НАЦЫЯНАЛЬНАГА ТЭАТРА ОПЕРЫ І БАЛЕТА БЕЛАРУСІ

Оперны спявак сканаў сёння.

Знакаміты беларускі оперны спявак Віктар Гур'еў памёр 22 красавіка на 94-м годзе жыцця. Пра гэта tut.by паведамілі ў Нацыянальным тэатры оперы і балета.

Віктар Гур'еў нарадзіўся 11 жніўня 1926 года на Жытоміршчыне (Украіна). Ратуючыся ад голаду і галечы, сям'я Гур'ева (у будучага спевака было 11 братоў і сясцёр) пераехала на Данбас. Бацька працаваў на шахце. Менавіта там Віктар упершыню выйшаў на сцэну ў складзе сямейнага хору.

Падчас вайны Віктара сагналі ў Нямеччыну, ён працаваў на заводзе ў штамповачным цэху. Пасля вызвалення прайшоў праверку спецслужбаў і быў прызваны ў войска. Служыў на тэрыторыі Нямеччыны ў музычным узводзе. Пасля дэмабілізацыі скончыў Жытомірскую музычную вучэльню і Беларускую кансерваторыю ў Менску.

У 1960-1992 гадах з'яўляўся салістам Тэатра оперы і балета Беларусі, атрымаў званне заслужанага артыста рэспублікі. Выканаў больш за 50 роляў. Сярод іх - Каварадосі («Туга»), Хазэ («Кармэн»), Атэла ў аднайменнай оперы, Герман («Пікавая дама») і іншыя.

Віктар Гур'еў з'яўляецца заснавальнікам беларускай тэатральнай дынастыі. Яго сын Анатоль Гур'еў - вядучы майстар сцэны ў Тэатры-студыі кінаакцёра, дачка Ганна Гур'ева - оперная спявачка, салістка Нацыянальнага тэатра оперы і балета.

Развітанне з Віктарам Гур'евым адбудзецца 24 красавіка з 12 да 13 гадзіны ў рытуальнай зале па адрасе: Менск, вуліца Сямашкі, 8/5.