У цэнтры Філадэльфіі падтрымалі пратэстоўцаў-беларусаў
2- 28.06.2020, 20:14
- 24,174
Моцныя фота з акцыі салідарнасці.
У нядзелю, 28 чэрвеня, прайшла акцый салідарнасці неабыякавых беларусаў Амерыкі. Людзі, якія сабраліся, каб падтрымаць арыштаваных і затрыманых, перакананыя, што толькі разам мы зможам быць 97% беларусаў, якія хочуць пераменаў у краіне, піша ў «Фэйсбуку» беларускі актывіст у ЗША Вадзім Васільеў.
Мерапрыемства было праведзена ў LOVE PARK у цэнтры Філадэльфіі, у горадзе, дзе была абвешчана Дэкларацыя незалежнасці ЗША. Мы ўпэўненыя, што найбліжэйшым часам наша родная краіна будзе незалежнай і свабоднай.
Для беларусаў, якія жывуць у Амерыцы, важна выказаць сваю салідарнасць і падтрымку ўсім палітвязням, а таксама людзям, якія цяпер пратэстуюць супраць іх зняволення.
Лукашэнка павінен адказаць за забойства і рэпрэсіі, якія ён учыніў супраць сваіх палітычных апанентаў і беларускага народа.
Слава Айчыне!
Жыве Беларусь!