Мікалай Казлоў: Што б Лукашэнка не ціўкаў, а просты блогер выявіўся мацнейшым за яго

Злачынная сістэма дыктатара павінна спыніць сваё існаванне.

Сёння ва ўсёй краіне праходзяць легальныя пікеты ў падтрымку Сяргея і Святланы Ціханоўскіх. На пікеце ў Менску ўзяў слова палітык Мікалай Казлоў:

- Наша галоўнае патрабаванне - Лукашэнка ўвогуле не можа ўдзельнічаць у гэтых «выбарах». Гэта пасыл, які мы хочам данесці да народа. Ягоная сістэма павінна спыніць сваё існаванне. Яна мафіёзная, злачынная. Лукашэнка - аснова гэтай сістэмы. Сыдзе ён - яна будзе зруйнаваная.

У нас няма яшчэ пяці жыццяў, каб чакаць гэтага. Засталіся 2 месяцы. Давайце гэтыя 2 месяцы будзем салідарнымі і актыўнымі - і ў нас усё атрымаецца. Мы - народ, крыніца ўлады ў Беларусі. Што б Лукашэнка не плявузгаў, не закочваў вочы - а просты блогер выявіўся за яго мацнейшым. Уся банда Лукашэнкі ўжо стаіць ва ўсіх папярок горла. Народ абудзіўся. Мы ўсвядомілі сваю сілу. Нас больш - і ў нас усё атрымаецца.

Сайт Charter97.org вядзе онлайн-трансляцыю з легальных пікетаў ва ўсёй Беларусі.