«Ад усіх нас залежыць, ці будзе гэты год апошнім для Лукашэнкі»

Чаму беларусы прыходзяць на пікеты ў падтрымку альтэрнатыўных кандыдатаў.

Сёння па ўсёй краіне праходзяць легальныя пікеты ў падтрымку Сяргея і Святланы Ціханоўскіх. У многіх гарадах выстройваюцца чэргі з ахвотных паставіць подпіс супраць Лукашэнкі.

Мянчук Сяргей распавёў, чаму наважыўся прыйсці на збор подпісаў:

- Ёсць знакамітая цытата: «Рабі тое, што можаш, там, дзе знаходзішся, і з тым, што маеш». Калі ў вас ёсць прынтар, друкуйце ўлёткі і кідайце іх у скрыні, каб людзі даведваліся больш. Калі ў вас ёсць ногі, прыходзьце сюды. Тут тысячы людзей. Далучайцеся!

Калі вы ўмееце прамаўляць, кажаце з іншымі людзьмі, асабліва, з тымі, хто з вамі не згодны. Тлумачце ім, расплюшчвайце вочы, прыводзьце прыклады, аргументуйце. Ад усіх нас залежыць, ці будзе гэты год апошні для Лукашэнкі. Я ўпэўнены, што нас большасць.

Сайт Charter97.org вядзе онлайн-трансляцыю з легальных пікетаў па ўсёй Беларусі.