Нямеччына ўвяла абавязковае тэставанне для падарожнікаў з рызыкоўных краін
- 6.08.2020, 15:11
- 13,226
Для гэтага ў аэрапортах абсталююць дадатковыя лабараторыі.
Вандроўцы, якія вяртаюцца ў Нямеччыну з рэгіёнаў з высокай рызыкай заражэння каранавірусам, з суботы павінны абавязкова здаваць тэсты.
Пра гэта заявіў міністр аховы здароўя Енс Шпан, паведамляе «Еўрапейская праўда» са спасылкай на Spiegel.
Для гэтага ў аэрапортах абсталююць дадатковыя лабараторыі, а таксама створаць іх у месцах прыбыцця турыстаў на цягніку або аўтамабілі.
Ужо цяпер ёсць магчымасць для ўсіх прыезджых прайсці бясплатнае тэставанне цягам 72 гадзін пасля прыбыцця ў Нямеччыну.
Шпан падкрэсліў, што тэсты павінны быць бясплатнымі. «Я не веру ў дэбаты пра тое, што хто можа дазволіць сабе адпачынак, можа дазволіць сабе і тэст. Мы не павінны рабіць пытанні тэставання сацыяльных пытанняў», - сказаў ён.
Міністр аховы здароўя падкрэсліў, што яму зразумела, што абавязковы тэст можа быць расцэнены як «умяшанне ў свабоду асобы». «Аднак гэта ўмяшанне «разумнае», - дадаў ён.
Таго, хто адмовіцца прайсці тэст, могуць аштрафаваць на суму да 25 000 еўраў.
Краіны з высокай рызыкай заражэння вызначаныя ў спісе на сайце Інстытута Роберта Коха, сярод іх - і Украіна. З краін ЕЗ у спісе толькі Люксембург і тры гішпанскія рэгіёны - Арагон, Каталонія і Навара.
Цэнтральным крытэрыем з'яўляецца тое, у якіх краінах або рэгіёнах за апошнія сем дзён было больш за 50 новых інфікаваных са 100 000 жыхароў.