Студэнты БДУІР выйшлі на Марш адважных людзей
7- 22.09.2020, 15:50
- 27,078
Відэафакт.
Як паведамляе Telegram-канал «адлічана», студэнты Беларускага дзяржаўнага ўніверсітэта інфарматыкі і радыёэлектронікі выйшлі на Марш адважных людзей. Адзначым, што сёння акцыі праводзяць студэнты Беларускага дзяржаўнага і Менскага дзяржаўнага лінгвістычнага ўніверсітэтаў.
«БДУІР - месца смелых, разумных і таленавітых людзей, якія ніколі не будуць мірыцца з такой непавагай і грэбаваннем да сябе. Спазніцца на пару на 10 хвілін - не страшна, бо вашы аднагрупнікі спазняюцца на 15 дзён. Сёння на пары вы не далічыліся некалькіх чалавек, а заўтра могуць не далічыцца вас.
Цяпер той час, калі нельга маўчаць, калі важная пазіцыя і ўдзел абсалютна кожнага, бо ахвяры, якія панеслі вашы таварышы, не павінны быць марнымі.
Мы павінны паказаць, што нас нельга задушыць, выклікаючы на размовы і пагражаючы пратаколамі!
Абыякавасць цісне, саджае і...забівае.
Час смелых, а не баязліўцаў! Жыве Беларусь!» - гаворыцца ў заяве студэнтаў.