Стала вядома, што ўваходзіць у дзённы паёк мігрантаў, якіх рыхтуюць да нападаў на Польшчу.
70- 20.11.2021, 22:40
- 81,142
За чый кошт кормяць «пяхотнікаў» гібрыднай вайны?
Мігранты з беларуска-польскай мяжы, якія перамясціліся з палявога лагера ў лагістычны цэнтр, атрымліваюць дзённы паёк, акрамя гарачага харчавання, паведамляе РИА "Новости".
У паёк уваходзіць тры «Ролтаны», два пакеты малака, дзве бляшанкі тушонкі, дзве рыбныя кансервы, палка каўбасы, бохан хлеба, па адным пачку печыва і вафель, а таксама гранат. Такі пакет з ежай важыць 4 кілаграмы, пайкі раздаюць па лініі Беларускага Чырвонага крыжа (БКК).
Гарачае харчаванне бежанцы атрымліваюць як мінімум адзін раз на дзень. Да мігрантаў таксама прыязджаюць аўтакрамы. Адна з аўтакрам прадае толькі цыгарэты, яна штодня дастаўляе 1250 блокаў цыгарэт.
Паводле звестак БКК, штодня мігранты атрымліваюць 2 тоны кашы на абед і 8 тон кансерваў і садавіны.
Нагадаем, што польскія спецслужбы валодаюць інфармацыяй, што ў лагістычным цэнтры беларускія ўлады стварылі плацдарм, дзе рыхтуюць мігрантаў для нападаў на Польшчу.
Пра гэта заявіў Польскаму агенцтву навін прэс-сакратар міністра каардынатара-спецслужбаў Станіслаў Жарын.
Ён заявіў, што польскія спецслужбы адзначылі пашырэнне лагістычнага складу ў Брузгах, які, агчыма, стане плацдармам і базай для нападаў мігрантаў на Польшчу.