Зяленскі: Я выходжу на вуліцу і разумею, як да мяне ставяцца
41- 26.11.2021, 15:09
- 12,198
Прэзідэнт Украіны адказаў, ці будзе балатавацца на другі тэрмін.
Прэзідэнт Украіны Уладзімір Зяленскі яшчэ не вызначыў, ці будзе балатавацца на другі тэрмін. Аб гэтым ён заявіў падчас прэс-марафону 26 лістапада, трансляцыю вядзе Офіс прэзідэнта.
«Што да другога тэрміну. Я не вызначаю гэтае пытанне, гэта вызначае грамадства. Я не прыняў гэтую пастанову. Гэтая пастанова не будзе звязаная з фарматам будучай кааліцыі, гэта будзе звязанае з падтрымкай маёй асобы народам Украіны. З не маніпуляцыйнымі рэйтынгамі. Яны ёсць розныя. Але мы дакладна будзем разумець. Я выходжу на вуліцу і разумею, як да мяне ставяцца», - сказаў ён.
Зяленскі заявіў, што будзе прымаць пастанову з сям'ёй.
«У мяне ўжо дарослыя дзеці. І сапраўды буду прымаць пастанову з дзецьмі. Таму што яны ўсе пакутуюць праз маю прафесію. Гэта праўда. Дачка ўжо ў тым узросце, калі ёй патрэбная прастора, свабода, яна не хоча жыць з аховай. Ёсць шмат выклікаў. Але перш за ўсё - Украіна і грамадства, якое мяне выбірала. [Прымаць] гэтую пастанову буду, калі можна, пазней», - дадаў ён.