«Кропкі-танцоркі» набліжаюцца да мяжы: як выглядаюць начныя атакі мігрантаў на Польшчу.
1- 3.12.2021, 9:46
- 9,068
Польскія вайскоўцы апублікавалі відэа з цеплавізару.
Для назірання за польска-беларускай мяжой вайскоўцы выкарыстоўваюць прыборы начнога бачання і цеплавізары.
Міністэрства нацыянальнай абароны Польшчы паказала, як з дапамогай гэтых прыбораў удаецца распазнаць падрыхтоўку беларускіх сілавікоў і мігрантаў да начных штурмаў мяжы.
Do obserwacji granicy polsko-białoruskiej żołnierze #WojskoPolskie wykorzystują noktowizory i urządzenia termowizyjne. @Zelazna_Dywizja 🇵🇱#zGranicy pic.twitter.com/pcrwTFQthv
— Ministerstwo Obrony Narodowej 🇵🇱 (@MON_GOV_PL) December 2, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб узняць іх на новы штурм польскай мяжы.
1 снежня беларускія спецслужбы абстралялі польскі прымежны горад Тэрэспаль. Абстрэлам былі знішчаны асвятляльныя мачты на мяжы з Беларуссю.