Генадзь Фядыніч: Беларусь могуць выключыць з Міжнароднай арганізацыі працы

Гэта стане яшчэ адным ударам па беларускіх уладах.

Некалькі гадоў таму ў Беларусі адгрымела так званая комплексная «мадэрнізацыя». Пасля сябе яна пакінула прыкметны след і некаторыя беларускія «флагманы» аддаюць па запазычанасцях больш за 100% даходу. Чаму гэта адбываецца і да чаго можа прывесці, а таксама наколькі моцная працэдура неадкладнага ўмяшання Міжнароднай арганізацыі працы, якая была запушчана супраць беларускіх уладаў. Для сайта Charter97.org на гэтыя пытанні адказвае лідар прафзвязу РЭП Генадзь Фядыніч:

- На мой погляд, калі прадпрыемства бярэ крэдыты, то гэта прадугледжвае вытворчасць больш канкурэнтаздольнай прадукцыі, а таксама павелічэнне продажаў. Ад даходу залежыць, наколькі ўстойлівы той ці іншы завод. У гэтай сітуацыі мы бачым, што былі закладзеныя сродкі, але чаканага выніку, прынамсі, пакуль не атрымана. Даход прадпрыемства аддае, а як развівацца далей - невядома.

Атрымліваецца, што ўлады ўклалі ў мадэрнізацыю грошы, але прадпрыемствы сябе не акупляюць. Які час зойме, каб яны пачалі сябе акупляць, - гэта яшчэ адно праблематычнае пытанне.

Простай мовай кажучы, калі вы ўклалі грошы, а прадпрыемства працуе неэфектыўна і стратнае, то гэта «фініта ля камедыя».

- Нядаўна нямецкая кампанія Helm AG спыніла супрацоўніцтва з «Гродна Азотам». Helm AG з'яўляецца пакупніком 10% гадавога аб'ёму прадукцыі прадпрыемства. Наколькі гэта моцны ўдар па прадпрыемстве?

- Па-першае, гэта валюта, у якой сёння мае патрэбу кожнае прадпрыемства, асабліва калі яно працуе на экспарт. Па-другое, знайсці замену гэтым 10% для беларускіх прадпрыемстваў вельмі складаная задача, і «Гродна Азот» не выключэнне. У гэтай сітуацыі лёгка і аператыўна развязаць пытанне замены партнёра наўрад ці атрымаецца. Гэта не проста пытанне часу, а новы партнёр можа проста не знайсціся.

- Ці можна гэта назваць невялікай перамогай страйкаму «Гродна Азота»? Як вы лічыце, ці ўбачым мы ў найбліжэйшай будучыні яшчэ кампаніі, якія адмовяцца ад спансавання рэжыму?

- Я думаю, што ў будучыні мы абавязкова гэта ўбачым. Можна лічыць, што калі кампанія спыніла супрацоўніцтва з «Гродна Азотам», то яна была чымсьці матываваная. Для чаго яна гэта зрабіла? Калі гэта звязана з парушэннем правоў працоўных, правоў свабод чалавека, то любая замежная кампанія падпісвае так званы «Кодэкс гонару», а ён абавязвае выконваць правы чалавека і кантактаваць толькі з прадпрыемствамі і структурамі, якія не парушаюць гэтыя правы. Я б не казаў, што гэта перамога, але добры крок да перамогі.

- Намеснік гендырэктара ААТ «Гродна Азот» - дырэктар філіяла «Завод Хімвалакно» Віталь Рудзінскас пакінуў сваю пасаду. Менавіта на «Заводзе Хімвалакно» праходзіла сустрэча працоўных з прадстаўнікамі мясцовай улады. Што вы можаце сказаць пра становішча дырэктарата і топ-мэнэджараў прадпрыемстваў? Наколькі яны таксама незадаволеныя рэжымам?

- Сёння наймальнікам вельмі складана працаваць у цяперашніх эканамічных умовах, з гэтай падатковай сістэмай. Дырэктары несамастойныя ў сваіх упраўленнях, таму што 90% акцый прадпрыемстваў валодае дзяржава, якая дыктуе свае патрабаванні. Яны баяцца нешта зрабіць ці распачаць, таму што будзе адказнасць. Бізнэс - гэта заўсёды рызыка, якае прысутнічае ў любым прадпрыемстве, усё роўна, дзяржаўнае або прыватнае. Без рызыкі тут нельга.

Дырэктары не сыходзяць самі з такіх прадпрыемстваў, таму, відаць, ім прапануюць або прымушаюць гэта зрабіць. Знайсці сёння прафесійных мэнэджараў або дырэктараў, якія б эфектыўна працавалі ў гэтых умовах для Беларусі, праблематычна.

- Міжнародная арганізацыя працы (МАП) запусціла працэдуру неадкладнага ўмяшання ў сувязі з прынятымі «палатай прадстаўнікоў» у першым чытанні папраўкамі ў Працоўны кодэкс. Гэта сур'ёзная працэдура? Чаго варта чакаць ад яе?

- МАП таксама досыць бюракратычная структура, яны прымаюць такія пастановы даволі рэдка, таму што неабходна аператыўнае ўмяшанне. Наколькі яно будзе эфектыўным - казаць цяжка. МАП даваў 12 рэкамендацый беларускаму ўраду, толькі 4 выкананы. Ці будзе эфектыўнае ўмяшанне або пойдзе так званы беларускі парламент насустрач, каб змяніць гэта антынароднае заканадаўства - пакажа час. Загадваць складана, таму што наш урад можа проста ўсё праігнараваць.

- Які ціск на рэжым аказваюць падобныя працэдуры?

- Калі не выконваюць такія рэчы, то застаецца адно - выключэнне Беларусі з Міжнароднай арганізацыі працы. Арганізацыя рэдка дазваляла сабе такія рашэнні, але не выключаю, што калі наш урад праігнаруе працэдуру, то гэтае пытанне паднімецца. МАП з'яўляецца першай спецыялізаванай установай ААН, а гэта кантакты міжнароднага ўзроўню, якія могуць быць спыненыя.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com