У ліхія пуцінскія гады...

Расею вярнулі ў пункт, адкуль быў узяты старт.

Не паспелі ў расейскім Стаўрапольскім краі апрыходаваць шыкоўны асабняк і грошы палкоўніка Сафонава, нажытыя непасільнай працай, як новае шакавальнае злачынства «коціць у вочы» з таго ж краю.

На гэты раз - «гульня ў жмуркі».

У Стаўрапалі забілі намесніка начальніка крымінальнага вышуку аддзела паліцыі №4 Руслана Абавяна. Дзевяць разоў стрэлілі ў афіцэра паліцыі, селі на «дзявятку» і ўцяклі.

«Што ў іх там адбываецца?» - задаюцца пытаннем здзіўленыя чытачы, маючы на ўвазе Стаўрапольскі край. Акурат паводле прыкладу «бандыцкага Пецярбурга» новы серыял здымаць - «На бандыцкім поўдні».

Адбываецца тое, што пыхлівы гонар прапаганды - «цяпер не «ліхія 90-я» - пабляк. Той жа выпадак з Русланам Абавянам цалкам можна ўявіць і ў 90-я.

Цяперашняе расейскае начальства, якое само выйшла з «ліхіх 90-х», абавязанае ім усім, што яно мае сёння, відавочна, вярнула краіну ў пункт, адкуль быў узяты старт.

Telegram-канал «СерпомПо»