У Беларусі вырастуць кошты на рыс

Рыс уваходзіць у спіс сацыяльна значных тавараў.

У Беларусі для гандлю і пастаўшчыкоў працягнулі магчымасць павысіць цэны на рыс - выйсці за ўсталяваную мяжу ў росце коштаў. Пра гэта паведамляецца ў тэлеграм-канале МАРГ, піша zerkalo.io.

Нагадаем, раней чыноўнікі спачатку «замарозілі» рост коштаў на некаторыя сацыяльна значныя тавары, у тым ліку на рыс, а потым усталявалі абмежаванні па росце коштаў.

Рыс уваходзіць у спіс сацыяльна значных тавараў. З 24 лютага (і да канца месяца) на яго забаранялі павышаць кошты. З 1 сакавіка рост мог адбывацца не больш чым на 0,2% у месяц.

Павысіць цэны могуць юрыдычныя асобы і ІП усіх формаў уласнасці. Але павышэнне не можа быць большае за 4% да цэннікаў на 28 лютага.