У Туркменістане ад каранавіруса памёр уплывовы палітык

Рэжым Туркменістана адмаўляе існаванне COVID-19.

У Туркменістане ад каранавіруса памёр былы чыноўнік Гурбанмухамед Касімаў. Улады працягваюць адмаўляць існаванне COVID-19.

Пра гэта паведамляе Azatlyk Radiosy.

Паводле інфармацыі крыніц выдання, якія пажадалі застацца ананімнымі, экс-чыноўнік памёр 2 верасня. Яны таксама пацвердзілі, што прычынай смерці стала каранавірусная інфекцыя.

67-гадовы Касімаў пасля распаду СССР быў віцэ-прэм'ерам, міністрам замежных спраў, міністрам унутраных спраў і міністрам юстыцыі.

Пасля адстаўкі з урада ў 2001 годзе Касімаў працаваў паслом Туркменістана ў Кітаі да 2008 года, а затым на працягу аднаго года паслом у Казахстане.

Афіцыйнага паведамлення пра смерць Касімава не паступала.

1 чэрвеня ў Туркменістане з пачатку эпідэміі каранавіруса нібыта не выявілі ніводнага выпадку інфікавання COVID-19, заявіў кіраўнік краіны Гурбангулы Бердымухамедаў.