Жыхар Менска застрэліў супрацоўніка КДБ, які ўварваўся ў яго кватэру

Мянчук быў забіты у адказ стрэлам.

У Менску падчас рэйду па кватэрах застрэлены супрацоўнік КДБ.

Як стала вядома "Еўрарадыё", сёння ў час «адпрацоўкі адрасоў» у адной з кватэр мужчына аказаў супрацівам чэкістам. Ён стрэліў у аднаго з іх з паляўнічай стрэльбы. Сілавікі ў адказ адкрылі агонь і застрэлілі мужчыну. Паранены супрацоўнік КДБ памёр.

Паводле інфармацыі СМІ, забіты жыхар кватэры - Андрэй Зэльцар, супрацоўнік кампаніі EPAM Systems.

Версія КДБ

«Падчас правядзення спецыяльных мерапрыемстваў па адпрацоўцы адрасоў, у якіх маглі знаходзіцца асобы, датычныя да «тэрарыстычнай дзейнасці», у адной з кватэр жылога дома па супрацоўніках праваахоўных органаў асабліва небяспечным злачынцам са стрэльбы быў адкрыты агонь на паразу, у выніку чаго супрацоўнік Камітэта дзяржбяспекі быў смяротна паранены.

Агнём у адказ «злачынец» быў знішчаны. Супрацоўнік ад атрыманых ран памёр», - паведамілі ў КДБ.