У космасе плануюць пабудаваць кінастудыю
9- 20.01.2022, 21:48
- 2,696
Студыю будуць выкарыстоўваць для здымкаў фільмаў, тэлепраграм, музычных і спартовых мерапрыемстваў.
Кампанія Space Entertainment Enterprise (SEE), якая сёння займаецца будучым фільмам пра космас галівудскага кінаактора Тома Круза - плануе пабудаваць спартовую арэну і кінастудыю ў бязважкасці. Праект завершаць да 2024 года.
Пра гэта піша Variety.
Модуль атрымае назву SEE-1, а яго будаўніцтвам зоймецца кампанія Axiom Space, якая нядаўна атрымала дазвол ад NASA па распрацоўцы камерцыйнай часткі МКС. Між іншым, модуль будзе ўбудаваны ў Axiom Station, якая, услед за іншымі кампаніямі, таксама плануе заняцца касмічным турызмам.
SEE-1 будуць выкарыстоўваць для здымак фільмаў, тэлепраграм, музычных і спартовых мерапрыемстваў. Таксама паслугамі модуля змогуць скарыстацца прадусары, якія наважаць стварыць уласны кантэнт у бязважкасці.
У той жа час са станцыі можна будзе трансляваць усе падзеі ў жывым эфіры.