Вакарчук праспяваў на пешаходным мосце ў Кіеве, які сёння вытрымаў ракетную атаку
7- 10.10.2022, 21:27
- 11,004
Відэа.
Лідар групы «Акіян Эльзы» Святаслаў Вакарчук праспяваў на Пешаходна-веласіпедным мосце ў цэнтры Кіева, які сёння вытрымаў ракетны ўдар з боку РФ.
Адпаведнае відэа Вакарчук апублікаваў на сваёй старонцы ў Facebook.
«Сёння я на нашым Пешаходна-веласіпедным мосце спяваў песні, «Місто Марыі», якая прысвечаная Марыюпалю. І ведаеце, чаму? Кажуць, канструкцыя мосту зроблена менавіта са сталі «Азоўсталі».
Узгадваю, 22 лютага, за два дні да расейскага поўнамаштабнага ўварвання, мы з Акіянам Эльзы зрабілі імправізаваны выступ на гэтым жа мосце ў Кіеве. Адчувалі тады, што павінны быць усе разам, як адзін.
Сёння рашысцкія ракеты чарговым разам тэрарызавалі Украіну і Кіеў.
І ім ніколі не ўдасца разбурыць мост паміж душамі і сэрцамі ўкраінцаў!
Азоў - сталь!
Мы - пераможам!
Слава Украіне!
Героям слава!» - заявіў Вакарчук.