У «Магілёўэнэрга» ўзмоцняць прапускны рэжым і правядуць «вучэнні»

Работнікаў правераць на ўваходзе і не адпусцяць на абед.

Паводле інфармацыі чытача тэлеграм-канала «БГМ», «мерапрыемствы» пройдуць 2-3 лістапада.

- Раней таксама такія вучэнні праводзілі, але проста на паперы.

А на гэты раз чамусьці пастанавілі «як належыць». Сказалі, раніцай і ўвечары будуць правяраць асабістыя рэчы працоўных на ўваход і выхад. Гэта нібыта добра… Але сказалі яшчэ, што ўсе, хто выйдзе з прадпрыемства ў абед, будуць расцэненыя як асобы, якія не падпарадкаваліся ўказу.

Пры гэтым ніякіх указанняў ці службовых цыдулак праз карпаратыўную пошту працаўнікам не дасылалі, а проста сабралі начальнікаў і загадалі данесці інфармацыю да супрацоўнікаў.

А што адбываецца на вашых прадпрыемствах ці працоўных месцах?