2 лютага 2023, Чацвер, 5:08
Сім сім, Хартыя 97!
Рубрыкі

«Размеркавалі ў прэс-атрад, праз які прайшлі многія дзяўчаты»

8
«Размеркавалі ў прэс-атрад, праз які прайшлі многія дзяўчаты»
КАЦЯРЫНА АНДРЭЕВА

Беларуска расказала, як ціснуць на палітвязняў у Гомельскай жаночай калоніі.

Беларуска, якая нядаўна вызвалілася з турмы, звязалася з праектам «Палітвязынка». Вось што яна расказала.

«Каці Андрэевай (палітычнай зняволенай, журналістцы «Белсату» - рэд.) ад самага пачатку вельмі цяжка давялося. Яе размеркавалі ў прэс-атрад, праз які прайшлі многія палітычна зняволеныя дзяўчыны. Цяпер там Соф'я Сапега і яе вельмі жорстка прасуюць ужо працяглы час. Яе і Паліну Шарэнду-Панасюк выклікалі на «гутарку» да начальніка калоніі.

Каця вельмі чулая. І на яе маральна ціснуць з боку маргінальных асоб. Каці забаранялі нават падыходзіць да палітычных. А калі ўдавалася ёй перакінуцца з намі словамі, было відаць, што яна імкнецца з усіх сіл усё гэта выносіць. Каця зараз вярнулася ў калонію з дадатковым тэрмінам. Яе перавялі ў атрад лепшы, але на фабрыцы ёй забаранілі нават глядзець на палітычных. Каця моцна напакутавалася, але вельмі годна праходзіць гэты шлях, як бы цяжка ёй не было».

Нагадаем, што палітычная зняволеная і актывістка грамадзянскай кампаніі «Еўрапейская Беларусь» Паліна Шарэнда-Панасюк, якая знаходзіцца ў калоніі №24 для рэцыдывістак (Гомельская вобласць, г.п. Зарэчча), нядаўна была змешчаная ў памяшканне камернага тыпу (ПКТ). За папярэднія чатыры месяцы зняволення ў калоніі актывістка «Еўрапейскай Беларусі» 80 дзён правяла ў штрафным ізалятары.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».