Белы дом пасля размовы Байдэна і Зяленскага: ЗША імгненна адрэагуюць на агрэсію РФ
9- 13.02.2022, 21:19
- 10,420
Амерыканскі прэзідэнт паразмаўляў праз тэлефон з кіраўніком Украіны.
Прэзідэнт ЗША Джо Байдэн падчас размовы з украінскім калегам Уладзімірам Зяленскім заявіў, што рэакцыя Штатаў на далейшае ўварванне РФ ва Украіну будзе імгненнай і смелай.
Пра гэта паведамляе Белы дом.
Там расказалі, што амерыканскі прэзідэнт пацвердзіў прыхільнасць ЗША да суверэнітэту і тэрытарыяльнай цэласнасці Украіны і разам з Уладзімірам Зяленскім дамовіліся працягваць дыпламатыю і стрымліванне як адказ на сцягванне войскаў РФ да ўкраінскіх межаў.
«Прэзідэнт Байдэн выразна даў зразумець, што Злучаныя Штаты імгненна і смела разам са сваімі хаўруснікамі і партнёрамі адрэагуюць на ўсялякую далейшую агрэсію Расеі супраць Украіны», - гаворыцца ў паведамленні.