У Берасцейскім раёне дзеці знайшлі ў двары дома артылерыйскі набой

Бацька спытаў у сына, у што ён гуляе.

У Берасцейскім раёне сапёры абясшкодзілі артылерыйскі набой, які знайшлі ў двары дома дзеці, паведамляе zerkalo.io са спасылкай на МУС.

Аб знойдзеным набоі ў міліцыю паведаміў жыхар раёна. Ён распавёў, што дзеці гулялі ў двары і пачалі крычаць «набой». Тата спытаў у сына, у што ён гуляе. Той паказаў яму іржавы набой у зямлі.

На месца неадкладна выбылі супрацоўнікі міліцыі і сапёрна-піратэхнічная група. Тэрыторыя была ачэпленая і абследаваная, іншых боепрыпасаў выяўлена не было.

На ацэнку спецыялістаў, знойдзеным аб'ектам з'яўляецца артылерыйскі набой часоў Вялікай Айчыннай вайны.