Блізу 500 акупантаў стралялі ў беспілотнік: выявілася, што збілі свой дрон

137-ы дзень Украіна вядзе жорсткае супраціўленне ўварванню расейскага войска.

Расейскія акупанты ўбачылі ў небе беспілотнік і так спалохаліся, што пачалі страляць адразу ўсе. Толькі вось потым выявілася, што яны самі ж збілі свой дрон. Пра гэта расказаў палонны акупант украінскаму журналісту Уладзіміру Золкіну.

"Адзін раз мы стралялі па беспілотніку. Збілі. Як выявілася, гэта свой быў. Чалавек 500, напэўна, стралялі. Крыкнулі: "паветра". Усе выйшлі ды пачалі страляць па ім. - Усе адстралялі? - Так. Груба кажучы, па баявым камплекце змарнавалі .- Арлан свой? - Не, не Арлан, ён большы быў", - расказаў палонны акупант.

Ён таксама адзначыў, што акрамя гэтага страляў яшчэ два разы, каб спраўдзіць, хібіць аўтамат або не. Акупант расказаў, што ён не меў алівы, і чысціць таксама не было чым.

Палонны сцвярджае, што некаторыя задумваліся напісаць рапарты.

"Мы калі ў бліндажы сядзелі, калі артабстрэл быў, мы хацелі ўвечары рапарты напісаць і з'ехаць, але крыху не паспелі", - дадаў акупант.