У Светлагорску нецвярозая жанчына на «Маздзе» з дзецьмі ў салоне пратараніла тры аўтамабілі
11- 22.07.2022, 21:20
- 6,824
Маці везла дзяцей непрышпіленымі ды без спецыяльных крэслаў.
Удзень у пятніцу ў Светлагорску адбылося ДТЗ на вуліцы Прывакзальнай каля будынка школы. На месца выязджалі ратавальнікі, паведамляе УУС Гомельскага абласнога выканкама. Былі пашкоджаныя адразу чатыры аўтамабілі.
Учыніла аварыю 40-гадовая жанчына-кіроўца на Mazda — не ўкіравала і пратараніла тры прыпаркаваныя аўтамабілі.
Як выявілася, жанчына была нецвярозая: у выдыханым паветры ў яе выяўлена 1,38 праміле алкаголю. Пры гэтым у салоне ейнага аўтамабіля знаходзіліся двое маленькіх дзяцей - чатырох і пяці гадоў. Маці везла іх непрышпіленымі ды без дзіцячых крэслаў.