Навукоўцы ўпершыню далі імя хвалі спякоты
- 16.08.2022, 21:21
- 6,080
Навошта гэта патрэбна?
Гішпанскія навукоўцы надалі імя хвалі спякоты, якая ўзняла тэмпературу да +44,4 градуса Цэльсію ў Сэвіллі паміж 24 і 27 ліпеня. Яе назвалі Зоі. Гэта новая спроба папярэдзіць грамадскасць аб экстрэмальных тэмпературах і небяспецы, якая іх суправаджае.
Пра гэта паведамляе Science Alert.
Адзначым, што ўраганы даўно атрымалі чалавечыя імёны, а неафіцыйная практыка даваць зімовым штормам мянушкі з'явілася ў 2012 годзе ў ЗША. Але Зоі - першая хваля спякоты, якой далі імя.
Зоі можа быць першай названай хваляй спёкі, але не апошняй. Улады Гішпаніі плануюць чаргаваць жаночыя і мужчынскія імёны ў зваротным альфабэтным парадку для будучых гарачых хваль.
Дадамо, што хвалі сквару - гэта не проста спякотныя дні. Гішпанскае дзяржаўнае метэаралагічнае агенцтва вызначае іх як эпізоды мінімум трох паслядоўных дзён, на працягу якіх сама меней 10% метэастанцый фіксуюць максімальную тэмпературу вышэйшую за 95-ы адсотак за ліпень-жнівень паміж 1971 і 2000 гадамі.
Хвалі спякоты могуць быць небяспечнымі, асабліва для ўразлівых груп насельніцтва, такіх як паджылыя людзі і людзі, якія выконваюць фізічную працу на вольным паветры.
Нагадаем, сёлетняя суша ў Еўропе можа быць найгоршай за апошнія 500 гадоў.