Польшча стварае міжнародную кааліцыю донараў танкаў для Украіны
2- 28.01.2023, 14:49
- 4,602
Міністэрства абароны правяло перамовы з краінамі, якія маюць Leopard 2A4.
Польшча выступіла ініцыятаркай стварэння міжнароднай кааліцыі донараў для забеспячэння Украіны сучаснай бронетэхнікай. Пра гэта паведаміў у Twitter міністр абароны Польшчы Марыюш Блашчак.
«На маю ініцыятыву мы правялі перамовы сярод краін з танкамі Leopard 2A4, каб супольна стварыць кааліцыю донараў сучаснага бранятанкавага ўзбраення для Украіны», - напісаў Блашчак.
Кіраўнік Мінабароны Польшчы не ўдакладніў, пра якія менавіта краіны ідзе гаворка. Але апублікаваў фота, дзе ён сядзіць на фоне сцягоў Гішпаніі, Швэцыі, Нарвегіі, Фінляндыі, Польшчы, Канады, Турцыі і NATO.
Як паведамляў сайт Charter97.org, краіны Захаду паабяцалі Украіне 321 цяжкі танк. Аб гэтым заявіў пасол Украіны ў Францыі Вадзім Амельчанка ў пятніцу, 27 студзеня.
Z mojej inicjatywy rozmawialiśmy w gronie państw posiadających czołgi Leopard 2A4, by wspólnie stworzyć koalicję donatorów nowoczesnej broni pancernej na Ukrainę. pic.twitter.com/Nr6P1loI8E
— Mariusz Błaszczak (@mblaszczak) January 27, 2023
