Volvo паказала суперэканамічны цягач

Фотафакт.

Кампанія Volvo прадставіла канцэптуальны грузавік SuperTruck 2. Ён названы адным з самых энэргаэфектыўных цягачоў у свеце.

Яшчэ ў 2016 годзе Міністэрства энэргетыкі ЗША паставіла перад Volvo Trucks задачу стварыць электрычны грузавы аўтамабіль, які быў бы на 100% эфектыўнейшы за іншыя. Праз сем гадоў вытворца прадэманстраваў свой праект.

Футурыстычны вонкавы выгляд новага грузавіка Volvo гэта не проста выбар у імя дызайну. Як тлумачыць вытворца, большая частка дасягнутай эфектыўнасці абумоўлена палепшанай аэрадынамікай і больш якаснымі матэрыяламі, якія зрабілі SuperTruck 2 эфектыўнейшым за аналагічны цягач 2009 года, на аснове якога ён быў створаны. Кабіна мае ідэальную клінаватую форму і закругленае лабавое шкло. Абцякальнікі і хваставая частка прычэпа забяспечваюць на 50% меншы супраціў, чым у базавага SuperTruck 1.

У параўнанні з папярэднікам навінка эканоміць на 170% больш паліва, адзначае speedme.ru. Машына таксама лягчэйшая, паколькі вытворца выкарыстоўваў кампазітны карданны вал. Акрамя таго, ён зменшыў колькасць восяў, каб трымаць вагу пад кантролем. Для стварэння карацейшай кабіны выкарыстоўваецца менш матэрыялу як вынік, маса таксама меншая. «Вольва» таксама замяніла традыцыйныя люстэркі на капоце і кабіне ўдасканаленай сістэмай камер, што дазволіла знізіць супраціў больш чым на 4%.

Volvo SuperTruck 2 абсталяваны 48-вольтавай мяккай гібрыднай сістэмай, якая адыгрывае ролю стартара-генератара і дапамагае падтрымліваць усе функцыі ў працоўным стане без неабходнасці прыпынення рухавіка на халастым ходу на працягу доўгага часу.

Цяпер прадстаўлены толькі канцэпт, але кампанія ўжо выкарыстоўвае тэхналогіі, правераныя на яго аснове, у серыйных грузавіках. У арганізацыі сцвярджаюць, што жадалі пазнаць прырост эфектыўнасці за межамі аэрадынамічнай трубы, у рэальным свеце. І менавіта на гэтым этапе распрацоўкі каманда праекта засяродзілася зараз.

Volvo SuperTruck 2 публічна дэбютуе на канферэнцыі і выставе менеджменту Амерыканскай асацыяцыі грузаперавозчыкаў 2023 года, якая пройдзе з 14 да 17 кастрычніка ў Осціне, штат Тэхас.