«Нік і Майк»: У РФ падвышаецца спакуса выкарыстоўваць ядзерную зброю з тэрыторыі Беларусі
27- 29.03.2023, 17:07
- 15,662
Пуцін, магчыма, не будзе чакаць да 1 ліпеня.
Telegram-канал «Ник и Майк» пракаментаваў размяшчэнне расейскай ядзернай зброі на тэрыторыі Беларусі:
- Украіна змагла дабіцца вынясення пытання аб ядзернай зброі на пасяджэнні Рады бяспекі ААН да заканчэння старшынства ў ім Мазамбіка і пераходу яго да Расеі. Мяркуем, што ў міжнароднай бюракратыі праціснуць пытанне больш складана, чым зладзіць дыскусію ў беларускім грамадстве. Ацэнка рызык і выпрацоўка пазіцыі для міжнароднай супольнасці. Але, здаецца, і да гэтага пытання ў штабоў належнай увагі няма.
Украіна анансавала контрнаступ на красавік-травень 2023 года, што, увогуле, прадказальна. А значыць, спакуса і матывацыя перамясціць і выкарыстоўваць тактычную ядзерную зброю ў Беларусі ў Расеі найбліжэйшым часам сур'ёзна падвышаецца. Для рашэння задачы нанясення ўдараў па чыгуначнай інфраструктуры няма неабходнасці будаваць сховішчы ці іншым чынам чакаць 1 ліпеня 2023 года. Пры жаданні выдраць загваздку, гэта робіцца за некалькі дзён-тыдзень.