Украіна атрымае больш за 150 дронаў ад французскай кампаніі Delair

Яны дапамогуць больш эфектыўна адбіваць расейскую агрэсію.

Украіна атрымае больш за 150 беспілотнікаў ад французскай кампаніі Delair. Яны дапамогуць больш эфектыўна адбіваць расейскую агрэсію.

Пра гэта паведамляе РБК-Украіна са спасылкай на міністра абароны Францыі Себасцьяна Лекарню.

«Кампанія Delair і яе генеральны дырэктар з'яўляюцца канкрэтным прыкладам прыхільнасці Францыі падтрымцы Украіны», – гаворыцца ў паведамленні.

Паводле словаў міністра, Украіна выбрала тып беспілотніка, а ўрад Францыі прафінансаваў вытворчасць гэтых дронаў.

Размова ідзе пра больш як 150 беспілотнікаў, якія пастаўляюцца ўжо ва Украіну. Міністр не ўдакладніў тып дронаў, які атрымаюць украінскія вайскоўцы.