Электрычныя «Гелендвагены» станцавалі ў цэнтры Лас-Вегаса

Атрымалася эфектна.

Новы Mercedes-Benz EQG прадэманстраваў свае магчымасці на шоу CES 2024 у Лас-Вегасе. Электрычныя «Гелендвагены» станцавалі на цэнтральным бульвары Лас-Вегас Стрып. Відэа перфомансу з'явілася на Youtube-канале FoCars, піша «Фокус».

Адразу чатыры прататыпы Mercedes EQG на каманду пачалі сінхронна кружыцца на месцы. Атрымалася вельмі эфектна.

Такі разварот на месцы называюць «танкавым», бо ён пад сілу трэкавай тэхніцы. Электракар «Гелендваген» таксама здольны на такі трук дзякуючы чатыром маторам (адзін на кола), функцыі вектарызацыі цягі і кіраваным заднім колам.

Электрамабілі Mercedes EQG былі ў камуфляжы, хоць можна разглядзець, што мадэль адрозніваецца ад стандартнага «Гелендвагена» дызайнам пярэдняй часткі.

Новы Mercedes EQG павінен дэбютаваць ужо сёлета. Яго магутнасць перавысіць 600 сілаў, а ёмістасць батарэі складзе 100 квт∙г. Аўто захавае пазадарожныя здольнасці.