У Францыі фермеры прыстрашылі «асадай Парыжа»

Урад шукае кампраміс.

Урад Францыі паабяцаў дадатковую падтрымку фермерам на фоне пагроз "узяць Парыж у аблогу".

Пра гэта паведамляе BFMTV.

Улады Францыі плануюць прымаць меры на нацыянальным і еўрапейскім узроўнях для абароны фермераў ад нядобрасумленнай канкурэнцыі.

"Няправільна, што вам забараняюць выкарыстоўваць пэўныя рэчывы, а суседнія краіны іх выкарыстоўваюць, і гэта (тавары) потым трапляюць сюды", – заявіў прэм'ер-міністр Францыі Габрыэль Аталь.

Ён згадаў аб экалагічных рэгулятарных абмежаваннях, якія тычацца сродкаў аховы раслін. Французскія фермеры не могуць іх выкарыстоўваць, у адрозненне ад калег у іншых краінах, дзе гэтыя рэчывы дазволеныя.

«Вырабляць і абараняць. Вось чаго жадаюць нашы фермеры. Мы маем самую якасную і стабільную сельскую гаспадарку ў свеце. Ганарымся гэтым і давяраем людзям, якія гэта робяць», - сказаў ён.

Аталь запэўніў, што Францыя спыніць імпартаваць прадукцыю, якая магла б вырабляцца ў краіне. Міністр сельскай гаспадаркі Марк Фесно паведаміў, што пералік дадатковых мер падтрымкі фермераў будзе абнародаваны ў аўторак.