Forbes: Вынік вайны ва Украіне могуць вырашыць наземныя робаты

Гонка ўжо ідзе.

Беспілотныя лятальныя апараты дамінуюць у небе на фронце расійска-ўкраінскай вайны. А ў іх цені ўсё больш масавым становіцца выкарыстанне наземных робатызаваных комплексаў абодвума бакамі. Пра гэта піша Forbes.

Аўтар публікацыі адзначае, што ў выніку актыўнага прымянення БПЛА на фронце сфармавалася так званая кіл-зона, якая можа дасягаць 25 км у глыб ад лініі сутыкнення. У такіх умовах лагістычныя задачы даводзіцца даручаць бязэкіпажным транспартным сродкам дзеля змяншэння страт асабовага складу пры дастаўцы ўсяго неабходнага на перадавую.

Справа ў тым, што тымі ж FPV-дронамі цяжка выбіваць салдат з населеных пунктаў, якія яны кантралююць. Але дроны добра сябе паказваюць у атаках на транспарт, які пастаўляе патроны і правіянт гэтым гарнізонам. Фактычна абодва бакі спрабуюць браць падкантрольныя ворагу сёлы і гарады ў дронавую асаду. І менавіта дзеля таго, каб прарваць такую асаду, даводзіцца выкарыстоўваць наземныя робатызаваныя комплексы.

У Сеціве з’яўляецца ўсё больш відэа таго, як беспілотныя наземныя транспартныя сродкі дастаўляюць правіянт на перадавую — як расійскім, так і украінскім салдатам. І хоць наземныя робаты гэтак жа ўразлівыя для удараў БПЛА, як і звычайныя пікапы, іх страта абыходзіцца без гібелі вадзіцеляў.

Як адзначае аўтар публікацыі, досвед у стварэнні БПЛА даў украінскім кампаніям магчымасць распрацаваць уласныя мадэлі наземных беспілотнікаў. Цяпер ЗСУ маюць шырокі арсенал такіх робатаў, прыстасаваных да розных задач — не толькі лагістыкі, але таксама размініравання, разведкі і нават непасрэднай агнявой падтрымкі войскаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com